Расіяне ўначы ўдарылі па Паўночным мосце ў Кіеве
Мінулыя дні некалькі разоў быў атакаваны Паўднёвы мост у сталіцы Украіны.
У Кіеве зафіксаванае траплянне ў Паўночны мост, паведаміў мэр горада Віталь Клічко.
Экстраныя службы накіроўваюцца на месца. У Кіеве затрымліваецца рух транспарту праз перакрыццё Паўночнага моста.
Паўночны мост — гэта вялікі аўтамабільны мост праз Дняпро ў паўночнай частцы Кіева. Ён злучае правабярэжную частку горада з некалькі раёнамі левага берага. Галоўная частка — вантавы мост з адным вялікім А-падобным пілонам вышынёй 119 метраў.
У Расіі ў апошнія дні новая тактыка — біць па камунікацыях ва Украіне. Так іншы, Паўднёвы мост, быў некалькі разоў атакаваны за мінулыя і пазамінулыя суткі.
Чытайце таксама:
Расія плануе серыю ўдараў па Украіне, каб адрэзаць імпарт, вывесці з ладу ГЭС і АЭС