ЗША накіруюць на Балтыку атрад марскіх пехацінцаў
Яны будуць базавацца ў Фінляндыі.
Фота: war.gov
Злучаныя Штаты накіруюць у рэгіён Балтыйскага мора спецыялізаваную групу марскіх пехацінцаў для падтрымкі місіі НАТА Baltic Sentry («Балтыйскі вартавы»). Пра гэта гаворыцца ў паведамленні амерыканскага ваеннага ведамства.
Прыкладна чатыры дзясяткі марскіх пехацінцаў, прыпісаных да 2‑га разведвальнага батальёна 2‑й дывізіі марской пяхоты, якая базуецца ў Паўночнай Караліне, будуць дзейнічаць сумесна з Берагавой брыгадай Фінляндыі, гаворыцца ў паведамленні.
Мэтай місіі будзе назіранне і разведка з мэтай «павышэння дасведчанасці аб марской абстаноўцы для абароны крытычна важнай падводнай інфраструктуры і падтрымкі агульнай бяспекі ў рэгіёне».