На двух участках МКАД абмежавалі рух грузавікоў
Каб павысіць бяспеку дарожнага руху і прадухіліць магчымыя аварыі, для грузавога транспарту змянілі арганізацыю руху на знешнім коле МКАД, паведамляе агенцтва «Мінск-Навіны».
Грузавікам масай больш за 3,5 тоны цяпер забаронена займаць другую і трэцюю палосы на ўчастку ад вуліцы Лейтэнанта Кіжаватава да вуліцы Свіслацкай, а таксама ад Даўгінаўскага тракту да праспекта Пераможцаў.
Пра абмежаванне кіроўцаў папярэджваюць дарожныя знакі 3.4 «Рух грузавых аўтамабіляў забаронены». Дадаткова на другой і трэцяй палосах МКАД нанесеная адпаведная дарожная разметка.
Дзяржаўтаінспекцыя просіць удзельнікаў дарожнага руху ўлічваць новыя абмежаванні пры выбары маршруту.
Чытайце таксама:
У Мінску 1‑2 кастрычніка будуць перакрываць рух
Мост на «Ждановічах» ужо асфальтуюць. Што адбываецца на будоўлі?