У Оршы на старым месцы малююць новы мурал з Караткевічам ФОТАФАКТ
Сёлета ўвесну падчас рамонту дома №2 па вуліцы Марата ў Оршы быў знішчаны мурал, намаляваны да 90‑годдзя Уладзіміра Караткевіча ў 2020 годзе. Цяпер яго аднаўляюць, заўважыла «Віцебская вясна».
Так будзе выглядаць новы мурал
Тарцавая сцяна гэтага дома выходзіць на вуліцу імя пісьменніка, і менавіта на ёй быў малюнак, зроблены аршанскім мастаком Дзмітрыем Талкачовым. Потым яго схавалі пад тэрмашубай, і факт знікнення ў горадзе цікавосткі, якую любілі і мясцовыя, і турысты, вельмі абурыў грамадскасць.
Стары знішчаны мурал
Цяпер на тым самым месцы зноў будзе мурал. Да 96‑х угодкаў пісьменніка (26 лістапада) яго абяцае скончыць мастачка Любоў Рабека, якая супрацоўнічае з творчым аб’яднаннем Shakola art. У гэтым мастацкім жанры яна працуе толькі другі год.
Партрэт Уладзіміра Караткевіча будзе каляровым і на фоне прыроды. Раней на мурале, апрача партрэта, былі малюнкі самога пісьменніка і цытаты з ягоных твораў. Радок «Быў. Ёсць. Буду» вырашана пакінуць.
Чытайце таксама:
У Оршы знік мурал з Уладзімірам Караткевічам
У Оршы на жылым доме намалявалі вялікі партрэт Уладзіміра Караткевіча ФОТАФАКТ
У Гродне адкрылі мурал адначасова да Дня машынабудаўніка і Года беларускай жанчыны ФОТАФАКТ