Трамп адхіліў прапанову Ірана адкрыць Армузскі праліў і спыніць баявыя дзеянні ў рэгіёне на сем дзён
Прэзідэнт ЗША лічыць імаверным аднаўленне бамбардзіровак пасля лістападаўскіх выбараў у Кангрэс.
Фота: Andrew Harnik / Getty Images
Дональд Трамп адхіліў прапанову Ірана адкрыць Армузскі праліў і спыніць баявыя дзеянні ў рэгіёне на сем дзён. Пра гэта The Wall Street Journal паведаміла са спасылкай на неназваных амерыканскіх чыноўнікаў.
Паводле звестак газеты, Трамп у прыватных размовах з супрацоўнікамі выказаў сумневы ў тым, што Іран выканае яго патрабаванні, і заявіў, што лічыць верагодным аднаўленне бамбардзіровак пасля лістападаўскіх выбараў у Кангрэс.
Незадоўга да публікацыі WSJ міністр замежных спраў Ірана Абас Арагчы паведаміў, што Тэгеран перадаў ЗША мірны план, які прадугледжвае сямідзённы адлік да адкрыцця Армузскага праліва і прыпынення баявых дзеянняў у рэгіёне.