У ноч на пятніцу магчымыя збоі ў працы банкаўскіх карт
Банкаўскі працэсінгавы цэнтр правядзе тэхнічныя работы. З-за гэтага ў трымальнікаў картак некаторых беларускіх банкаў могуць назірацца кароткачасовыя перабоі з абслугоўваннем. Работы на абсталяванні сеткі перадачы даных запланаваныя на пятніцу з 2:00 да 6:30.
У пазначаны перыяд могуць узнікаць перабоі ў працы: банкаўскіх картак; арганізацый гандлю і сэрвісу; пунктаў выдачы наяўных грошай; банкаматаў і іншых прылад самаабслугоўвання; кантакт-цэнтраў.
У працэсінгавым цэнтры ўдакладнілі, што магчымыя менавіта кароткачасовыя перапынкі ў абслугоўванні.
Банкаўскі працэсінгавы цэнтр абслугоўвае шэраг буйных банкаў Беларусі. Сярод іх: Беларусбанк; Белаграпрамбанк; БСБ-Банк, Парытэтбанк; Сбер Банк; Белінвестбанк; МТБанк; Банк Дабрабыт; Белгазпрамбанк; Банк БелВЭБ; Банк ВТБ (Беларусь); Альфа-Банк.