19‑гадовы кіроўца збіў насмерць жанчыну ў Смалявіцкім раёне
Здарэнне адбылося ўчора каля 18:20 непадалёк ад вёскі Куляшоўка, паведамляе ДАІ.
Кіроўца Toyota, рухаючыся на закругленні дарогі направа, здзейсніў наезд на 65‑гадовую жанчыну-пешахода. Пацярпелая пераходзіла праезную частку справа налева па ходзе руху транспартнага сродку.
Пасля сутыкнення аўтамабіль страціў кіраванне і з'ехаў у прыдарожны кювет.
У выніку ДТЗ пешаходка ад атрыманых траўмаў памерла на месцы здарэння.
Таксама пацярпелі пасажыры аўтамабіля: 14‑гадовай дзяўчынцы была аказана медыцынская дапамога, дзве 16‑гадовыя дзяўчыны з атрыманымі траўмамі былі дастаўленыя ў бальніцу.