Украінскія беспілотнікі атакавалі Самарскую вобласць. Пажар на Куйбышаўскім НПЗ
Мясцовыя жыхары паведамлялі пра выбухі на працягу некалькіх гадзін ноччу.
Украінскія беспілотнікі атакавалі Самарскую вобласць. Пажар на Куйбышаўскім НПЗ
Губернатар Вячаслаў Фядорышчаў паведаміў, што ў Самарскай вобласці былі збітыя «дзясяткі беспілотнікаў», пашкоджаныя грамадзянскія аб'екты, у тым ліку прыватныя дамы і аўтамабілі. Інфармацыі пра пацярпелых пакуль няма.
Мясцовыя жыхары паведамлялі пра выбухі на працягу некалькіх гадзін ноччу, а над Самарай стаіць чорны слуп дыму. Гадзіну таму ў рэгіёне была скасаваная беспілотная небяспека. Astra піша, што атакаваны і гарыць Куйбышаўскі НПЗ. Завод ужо неаднаразова трапляў пад атакі УСУ.
Каля трох гадзін ночы паводле мясцовага часу Расавіяцыя закрывала на прыём і выпуск самалётаў аэрапорт Самары Курумоч. Каля сёмай раніцы ведамства паведаміла, што абмежаванні знятыя.