Палякі пачалі атрымліваць прапановы працы за 35 еўра за гадзіну. Так іх могуць вербаваць
Палякі атрымліваюць паведамленні з прапановай аддаленай працы. У іх абяцаюць стаўку 35 еўра за гадзіну, умовы прапануюць абмеркаваць у Telegram. На гэта звярнуў увагу эксперт па дэзынфармацыі Міхал Марэк, паведамляе выданне Most.
Здымак ілюстрацыйны. Фота: «Наша Ніва»
У сацсетцы X Міхал Марэк прывёў скрыншот падобнага паведамлення. SMS імітуе прапанову вядомага агенцтва па працаўладкаванні. У ім пазначаная колькасць работнікаў, якія патрэбныя (30 чалавек).
У Telegram, куды вядзе спасылка, чакае акаўнт, які нібыта належыць жанчыне-рэкруцёру. Толькі за адгуканне на паведамленне адпраўнік абяцае заплаціць 10 еўра.
«Хутчэй за ўсё, менавіта такім чынам расійскія і беларускія спецслужбы шукаюць (і схіляюць да супрацоўніцтва) палякаў і іншаземцаў, якія знаходзяцца ў Польшчы, гатовых выконваць простыя заданні — ад падтрымкі інфармацыйна-псіхалагічных аперацый (напрыклад, размяшчэння ў інтэрнэце адпаведных каментароў) да актаў дыверсіі», — выказаў здагадку Марэк.
Чытайце таксама:
Украінец прызнаў віну ў вандалізме ў дачыненні да мячэцяў у Лондане. Яго вербаваў расіянін
ЗША раскрылі расійскую сетку падрыхтоўкі тэрактаў і заказных забойстваў
Сайт, на якім беларусаў вербавалі для вайны з Украінай, знік адразу як пра яго напісалі СМІ