У міліцыі расказалі падрабязнасці пошуку хлопчыкаў з Бараўлян
Дзяцей знайшлі сёння раніцай у 7:35.
У Бараўлянах завяршыўся маштабны пошук двух выхаванцаў «SOS-Дзіцячая вёска Бараўляны» — хлопчыкаў 12 і 10 гадоў. Падрабязнасці аперацыі распавялі ў міліцыі Міншчыны.
Як стала вядома, яшчэ да знікнення яны дзяліліся з аднагодкамі сваімі планамі. 19 верасня каля 17:00 хлопцы паехалі на роварах.
Быў разгорнуты сітуацыйны штаб. У яго працы задзейнічалі супрацоўнікаў міліцыі і МНС, вайскоўцаў, валанцёраў.
Да пошукаў прыцягнулі тэхніку, службовых сабак і БЛА.
20 верасня каля 7:35 міліцыянт‑кіроўца аўтазака канвойнага падраздзялення ІЧУ Мінскага РУУС Канстанцін Дуброва ўбачыў дзяцей паблізу АЗС — яны выходзілі з лесу.
З дзецьмі ўсё добра, з імі працуюць спецыялісты.