Аляксей Дзікавіцкі прэзентуе новы раман у Варшаве, Любліне і Брусэлі
Медыяменеджар і пісьменнік запрашае на прэзентацыю прыгодніцкага раману «Вяртанне Эльзы».
«Вяртанне Эльзы» — раман пра каханне, памяць і спакусу вечнай маладосці, у якім мінулае нечакана працягвае ўплываць на жыццё тых, хто жыве сёння, піша bellit.info.
«У цэнтры гэтай гісторыі — страчаны куфар з сямейнымі каштоўнасцямі і палескі заклён, здольны спыніць старэнне таго, хто зможа выканаць яго ўмову. Пошукі праўды прымушаюць героя па-новаму паглядзець на ўласнае жыццё, каханне, родны горад і тое, што чалавек пакідае пасля сябе».
Кніга выйшла ў выдавецтве Kamunikat.
Кожны, хто набудзе «Вяртанне Эльзы» на прэзентацыях, атрымае ў падарунак адну з папярэдніх кніг пісьменніка.
- Варшава — 25 верасня (пятніца), 18.00, Bracka, 25
- Люблін — 26 верасня (субота), 18.00, Lubelskie Targi Książki
- Брусэль — 28 верасня (панядзелак), 18.00, Прадстаўніцтва дэмакратычнай Беларусі Wetenschapstraat 23, 1000