Гродзенскі біскуп сыграў на барабанах на каталіцкім фестывалі моладзі
12 верасня ў сядзібе «Каралінскі фальварак Тызенгаўза» пад Гроднам прайшла сустрэча каталіцкай моладзі, прысвечаная пачатку новага навучальнага года.
Фестываль праходзіў пад дэвізам «Не бойся, я з табой!». Галоўнай падзеяй стала імша, якую ўзначаліў гродзенскі біскуп Уладзімір Гуляй, паведамляе прэс-служба Гродзенскай дыяцэзіі.
Пасля набажэнства для ўдзельнікаў выступілі гурты Ignis Spiritus з гродзенскай парафіі Святога Духа і Ave Гродзенскай вышэйшай духоўнай семінарыі.
Разам з семінарыстамі ў складзе «Ave» выступіў і сам Уладзімір Гуляй, які ў свой час заснаваў гэты гурт. Падчас канцэрта біскуп сыграў на барабанах.