На МТЗ стварылі ўзор машыны для перавозкі людзей па падземных рудніках
У найбліжэйшы час пачнуцца выпрабаванні.
На Мінскім трактарным заводзе стварылі доследны ўзор шахтавай машыны для перавозкі людзей па падземных рудніках. Пра гэта паведамілі БелТА ў прэс-службе прадпрыемства.
Гэта сумесны праект прадпрыемства і «Беларуськалія». Спецыялісты МТЗ выязджалі ў Салігорск, дзе спускаліся ў шахту Бярозаўскага рудніка на глыбіню 425 м для вывучэння асаблівасцяў працы тэхнікі пад зямлёй.
У найбліжэйшы час на салігорскім прадпрыемстве пачнуцца выпрабаванні шахтавай машыны Belarus МТ-902.