Клімавіцкі каледж на Дні беларускага пісьменства прэзентаваў арыгінальную экспазіцыю: кулямёт Максім, гранатамёты, дубінку АМАПа, форму спецназа
На літаратурнае свята ў суседнія Касцюковічы клімавіцкія ідэолагі адправілі ваенна-патрыятычны клуб «За Родину!», які быў створаны ў лютым 2025 года ў дзяржаўным аграрным каледжы.
Намёт Клімавічаў быў аформлены па-расейску, а ўдзельнікі «дня пісьменства» напэўна, не ведалі, што гэта за свята такое, паведамляе Mayday.team.
Клімаўчане зрабілі акцэнт на прыкладах зброі розных гадоў і міліцыйскага рыштунку. З тым жа тэматычным намётам ВПК два месяцы таму удзельнічаў у купальскім свяце «Александрыя збірае сяброў».