У Мінску кіроўца таксі на пешаходным пераходзе збіў васьмігадовую дзяўчынку на самакаце
Дзіця ехала па пешаходным пераходзе на трукавым самакаце ў суправаджэнні бацькоў. Аўтамабіліст не саступіў ёй дарогу.
Аварыя адбылася ўвечары 5 верасня на Сухараўскай вуліцы, паведаміла сталічная ДАІ.
Паводле папярэдняй інфармацыі, 36‑гадовы кіроўца таксі не саступіў дарогу васьмігадовай дзяўчынцы на трукавым самакаце і збіў яе. Побач з дзіцем знаходзіліся бацькі.
Дзяўчынку даставілі ў бальніцу.