У верасні падаражэюць толькі дзве маркі цыгарэт
Міністэрства па падатках і зборах апублікавала інфармацыю пра максімальныя рознічныя цэны на цыгарэты з фільтрам, якія будуць дзейнічаць у Беларусі з 1 верасня 2026 года.
Здымак ілюстрацыйны. Фота: pixabay.com
Паводле новага цэнніка, у наступным месяцы падаражэюць толькі дзве маркі цыгарэт — Dove Click Purple Moon і Dove Click Tropical Sun, якія выпускае тытунёвая фабрыка «Нёман». Іх кошт вырасце на 20 капеек — з 4,60 да 4,80 рубля за пачак.
Цэны на астатнія цыгарэты — як беларускай вытворчасці, так і імпартныя — у верасні мяняцца не будуць.
Акрамя таго, дзяржаўнае прадпрыемства «Беларусьгандаль» вызначыла максімальную рознічную цану на новую для беларускага рынку марку Chapman Eclipse Noire Platinum. У верасні яна будзе каштаваць да 9,90 рубля за пачак.
Чытайце таксама:
Беларус спрабаваў правезці ў Польшчу цыгарэты ў руберойдзе
У Беластоку судзяць двух беларусаў і паляка за кантрабанду цыгарэт з дапамогай дронаў
У Літве затрымалі трох чалавек, якія прыехалі ў лесе забіраць кантрабандныя цыгарэты з Беларусі