Расійскі рэактыўны дрон «Бандэроль» упаў у Петрыкаўскім раёне
Паводле інфармацыі ўкраінскага маніторынгавага канала «Око Гора», перад падзеннем беспілотнік праляцеў каля 306 кіламетраў, з іх прыкладна 120 кіламетраў — над тэрыторыяй Беларусі. Пасля працяглага палёту ў дрона скончылася паліва, і ён упаў, піша «Флагшток».
Беларускі знішчальнік Су-30, які паднялі для перахопу беспілотніка, збіць яго не змог.
Украінскія OSINT-аналітыкі мяркуюць, што месца падзення знаходзіцца ў раёне вёскі Лучыцы.
Раней паведамлялася, што беспілотнік увайшоў у паветраную прастору Беларусі каля 4:00 22 жніўня.
Чытайце таксама:
У Беларусі падымалі авіяцыю праз расійскія гібрыдныя дроны «Бандэроль». Заляцелі 12 беспілотнікаў
Расійская ракета «Бандэроль» заляцела ў Малдову і там выбухнула
Польшча ў рамках «Усходняга шчыта» будзе развіваць і «Усходні меч»