Ціханоўская заклікала беларусаў развітацца з Аляксандрам Мілінкевічам
Пахаваюць Аляксандра Мілінкевіча заўтра, 22 жніўня, у Варшаве.
Расклад цырымоніі:
10:00 — выстаўленне труны для развітання ў Архікатэдральным саборы Святога Яна Хрысціцеля (Archikatedra św. Jana Chrzciciela).
12:00 — пахавальная святая імша ў Архікатэдральным саборы.
15:00 — пахаванне на Вайсковых могілках «Павонзкі» (Cmentarz Wojskowy na Powązkach).
«Запрашаем беларусаў у Варшаве далучыцца да супольнай малітвы, развітацца з Аляксандрам Уладзіміравічам і разам ушанаваць памяць чалавека, які шмат гадоў працаваў дзеля свабоднай і еўрапейскай Беларусі», — заклікала Святлана Ціханоўская.