Украіна ўвяла санкцыі супраць стваральнікаў «Машы і Мядзведзя»
Мультфільм распаўсюджвае прарасійскія наратывы.
Прэзідэнт Украіны Уладзімір Зяленскі падпісаў указ аб увядзенні санкцый супраць аўтараў і дыстрыб'ютараў мультсерыяла «Маша і Мядзведзь».
У паведамленні на сайце прэзідэнта Украіны гаворыцца, што мультсерыял «распаўсюджвае прарасійскія наратывы, замаскіраваныя пад дзіцячы кантэнт, што ўяўляе пагрозу нацыянальнай бяспецы Украіны».
Санкцыі ўведзеныя супраць студыі «Анімакорд» і пяці чалавек, у тым ліку заснавальніка студыі, аўтара сцэнарыя і ўладальніка правоў на мультсерыял.
У ліпені забараніць мультфільм заклікалі брытанскія дэпутаты, палічыўшы яго расійскай «мяккай сілай».