Аўтобус з польскімі турыстамі разбіўся ў Венгрыі. Загінулі 12 чалавек
У аўтобусе было каля 60 чалавек.
Аварыя адбылася раніцай 16 жніўня на аўтастрадзе М3 на паўночным усходзе Венгрыі. Аўтобус на прамым участку дарогі з’ехаў у кювет і перакуліўся.
Паводле венгерскай паліцыі, у аўтобусе знаходзіліся 57 пасажыраў і двое кіроўцаў.
12 чалавек загінулі, яшчэ некалькі дзясяткаў атрымалі траўмы. Сем пацярпелых знаходзяцца ў цяжкім або крытычным стане.
Папярэдне мяркуецца, што кіроўца мог заснуць за рулём. Яго затрымалі.
Пацярпелых даставілі ў мясцовыя бальніцы.