ДТЗ у Асіповіцкім раёне — адзін чалавек загінуў, два ў бальніцы
Здарэнне адбылося сёння раніцай на 32‑м кіламетры аўтадарогі Р-91 «Асіповічы — Баранавічы».
63‑гадовы кіроўца Lada на закругленні дарогі направа выехаў на паласу сустрэчнага руху, дзе сутыкнуўся з грузавіком MАЗ.
Ад атрыманых траўмаў кіроўца легкавога аўтамабіля загінуў на месцы, дзве яго пасажыркі дастаўленыя ў бальніцу, паведамляе ДАІ.