Зяленскі: Ва Украіне не засталося ніводнай непашкоджанай электрастанцыі
Праз расійскія ўдары ва Украіне фактычна не засталося ніводнай непашкоджанай электрастанцыі. Пра гэта прэзідэнт Украіны заявіў падчас брыфінгу ў Бялградзе, піша «Украінская праўда».
Фота: тэлеграм-канал Уладзіміра Зяленскага
«У нас фактычна не засталося непашкоджаных электрастанцый, шмат вакзалаў разбітыя, бальніцы, універсітэты, звычайныя цывільныя прадпрыемствы», — сказаў Зяленскі.
Ён асобна падкрэсліў, што ва Украіне не засталося ніводнай цэлай цеплавой электрастанцыі праз расійскія ўдары.
«Расійскія ракеты нацэленыя менавіта на тое, каб зрабіць жыццё ўкраінцаў невыносным», — дадаў ён.