Пятрухін і яшчэ чалавек пяць прыйшлі пікетаваць канферэнцыю Ціханоўскай
Блогер Сяргей Пятрухін — у чырвонай кепцы «Make America great again» і майцы з партрэтам Ціханоўскай, пад якім напісана па-ангельску «Наша праца — прасіць грошы і не браць адказнасці».
На спіне ў Пятрухіна — партрэты Паўла Латушкі, Франака Вячоркі і Анжалікі Мельнікавай.
Апроч Пятрухіна, сабралося яшчэ чалавек пяць. Хтосьці трымае плакат з выказваннямі супраць Ціханоўскай.
Побач на парапеце стаіць кубак кавы, прынесены, відаць, з канферэнцыі, якую пікетуюць.
Раней Ганна Канапацкая заклікала беларусаў ладзіць інцыдэнты на канферэнцыі «Новая Беларусь» і паабяцала за гэта аддзяку ад камісіі па вяртанні на чале з генпракурорам Дзмітрыем Гарой.