Лукашэнка абурыўся якасцю тавараў у вясковых крамах: Пратэрміноўка і тухляціна!
Палітык сёння наведаў Вілейку.
Фота: БелТА
Лукашэнка абурыўся якасцю тавараў у вясковых крамах. Пра гэта ён заявіў на нарадзе па пытаннях забеспячэння сельскага насельніцтва шырокім асартыментам тавараў, піша БелТА.
Гаворачы пра якасць абслугоўвання ў гандлёвых аб'ектах на вёсцы, Лукашэнка ацаніў яе як нездавальняючую.
Паводле даных Камітэта дзяржаўнага кантролю, за шэсць месяцаў гэтага года ў 90 % з 1021 праверанага гандлёвага аб'екта былі выяўлены парушэнні. Гэта азначае, што якасць абслугоўвання пакідае жадаць лепшага.
«Пратэрміноўка, тухляціна і іншае, — сказаў Лукашэнка. — Гэта проста абуральна і недапушчальна».