Двухгадовы хлопчык праваліўся ў каналізацыйны люк, гуляючы з бацькамі
Здарэнне адбылося ўчора ў вёсцы Рэчыца Столінскага раёна.
Бацькі разам з двухгадовым сынам ішлі ў госці. У нейкі момант хлопчык адышоў ад іх на некалькі метраў, наступіў на каналізацыйны люк і праваліўся ўніз, паведаміў СК.
Самастойна дастаць дзіця бацькі не змаглі і выклікалі ратавальнікаў. Работнікі МНС дасталі хлопчыка на паверхню. Дзіця даставілі ў бальніцу, дзе ў яго дыягнаставалі ўдараную рану галавы.
Глыбіня калодзежа складае каля 3,5 метра.