Другі энергаблок Беларускай АЭС зноў уключаны
Ён рамантаваўся з 26 ліпеня.
4 жніўня пасля правядзення дыягнастычных мерапрыемстваў на электратэхнічным абсталяванні энергаблок № 2 Беларускай АЭС быў уключаны ў работу і выведзены на намінальныя параметры, паведаміла прадпрыемства ў сваім тэлеграм-канале.
Другі энергаблок быў адключаны 26 ліпеня. Паводле паведамлення прэс-службы БелАЭС, прычынай стала неабходнасць правядзення дыягностыкі электронікі і электратэхнічнага абсталявання. На станцыі падкрэслівалі, што радыяцыйны фон застаецца ў норме, а электразабеспячэнне спажыўцоў не парушанае.