Старая мінчанка загінула ад запалкі
87‑гадовая жанчына, спрабуючы прыгатаваць еду, чыркнула запалкай, выраніла яе і паспрабавала падняць яе, але на ёй загарэлася адзенне.
Спрабуючы патушыць полымя, жанчына пачала здымаць адзенне, аднак у гэты момант атрымала апёкі таксама правай нагі.
Мінчанку шпіталізавалі, праз тры дні яна памерла,
Для высвятлення дакладнай прычыны смерці прызначана судова-медыцынская экспертыза, паведамляе Дзяржкамітэт судовых экспертыз.
Былі ўстаноўлены тэрмічныя апёкі галавы, шыі, тулава, верхніх і ніжніх канечнасцяў агульнай плошчай каля 20% паверхні цела, з якіх каля 18 % — глыбокія. Таксама быў выяўлены тэрмічны апёк верхніх дыхальных шляхоў.