Apple сёння часова выдаляла Telegram
Дадатак ужо вярнулі.
Кампанія Apple на кароткі час выдаліла Telegram з App Store пасля таго, як мадэратары выявілі кантэнт, які парушаў правілы платформы аб забароне матэрыялаў, звязаных з сэксуалізаваным гвалтам над дзецьмі, паведамляе Reuters.
Паводле заявы Apple, дадатак быў вернуты ў App Store пасля таго, як Telegram выдаліў адпаведныя матэрыялы і заблакаваў карыстальніка, які іх апублікаваў.
Пра які менавіта кантэнт ідзе гаворка, кампанія не ўдакладніла.