Былы рэдактар Nexta Ян Рудзік стаў бацькам. Яны з сям'ёй перабраліся ў Польшчу
Ян расказаў, як назвалі дачку і чаму вырашылі пераехаць з Украіны.
Ян Рудзік у Польшчы. Фота з архіва героя
Ян Рудзік, экс-рэдактар Nexta і былы добраахвотнік Палка Каліноўскага, стаў бацькам. Ён расказвае, што дачка нарадзілася ва Украіне.
Ёй далі імя Рэната. «Абіралі доўга, каб яно было і славянскае, і татарскае, і не занадта складанае», — тлумачыць. Яго жонка Эльвіра нарадзілася ў Азербайджане, але па крыві яна напалову татарка, напалову ўкраінка.
А неўзабаве пасля нараджэння дачкі сям'я пачала рыхтавацца да пераезду з Украіны ў Польшчу:
«Справа ў тым, што мы з'ехалі, каб зрабіць усім дакументы праз мой польскі сталы побыт. Праз тое, што мы з Эльвірай замежнікі, ва Украіне апроч пасведчання аб нараджэнні дачка не магла атрымаць ніякага дакумента.
Ян гуляе з дачкой. Фота з архіва героя
Але за ўсё, што было, я ўдзячны Украіне: я ехаў адзін, а вярнуўся з сям'ёй!
Досведу жыццёвага набраўся, пабачыў вайну. Было гонарам бараніць Украіну, і я дзякую ўкраінскаму боку за магчымасць і давер».
Цяпер сям'я абжываецца ў Варшаве.