На Цнянскім вадасховішчы адкрыюць плавучы аквапарк
На тэрыторыі жылога комплексу «Паўночны бераг» гэтым летам адкрыецца самы вялікі водны аквапарк у Беларусі — яго плошча складзе каля 2 000 кв. м, паведамляе забудоўшчык.
Аквапарк будзе даступны для дарослых, а таксама для дзяцей ад 6 гадоў пры ўмове росту ад 120 см і ў суправаджэнні паўналетніх. Максімальна дапушчальная вага наведвальніка — 150 кг.
Жыхары сталіцы ўжо заўважылі мантаж надзіманых горак на Цнянскім вадасховішчы, у раёне парку, і падзяліліся здымкамі ў сацыяльных сетках.
Наведванне аквапарку будзе платным, кошт білетаў стане вядомы пазней.