Вяскоўца ў Маларыцкім раёне забіла мотаблокам
64‑гадовы мужчына працаваў на прысядзібным участку.
Мужчына, пагрэбаваўшы правіламі тэхнікі бяспекі, падставіў нагу пад рабочы рэжучы інструмент, у выніку атрымаў цялесныя пашкоджанні, несумяшчальныя з жыццём. Цела вяскоўца знайшла жонка.
Судова-медыцынская экспертыза выявіла 17 цялесных пашкоджанняў.
Згодна з заключэннем эксперта ўпраўлення Дзяржкамітэта судовых экспертыз па Брэсцкай вобласці, смерць наступіла ад тупой спалучанай траўмы таза і левай ніжняй канечнасці ў выніку траўматычнага ўздзеяння фрэзай мотаблока.