Зараз будзе што падарыць Трампу: кнігу «Наш прэзідэнт» выдалі на англійскай мове
У Міністэрстве замежных спраў 29 ліпеня адбылася прэзентацыя англамоўнай версіі кнігі «Наш Прэзідэнт».
Свой твор чыноўнікам і дыпламатам прадстаўляў чыноўніцкі аўтарскі калектыў: Аляксандр Радзькоў, Наталля Эйсмант, Уладзімір Пярцоў і Аляксандр Карлюкевіч.
Англамоўнае выданне выйшла тыражом у 2 тысячы асобнікаў.
«Здаецца, пытанне «што прывезці сябрам з Беларусі?» атрымала яшчэ адзін добры адказ», — лічыць канал лукашэнкаўскай прэс-службы «Пул Першага».