Выйшла дэбютная кніга паэзіі Віктара Сазонава
У паэтычнай серыі «Брукаванка», што выпускае выдавецкая ініцыятыва «Полацкае ляда», з’явілася кніга вершаў празаіка, аўтара кніг «Занатоўкі кантрабандыста» і «Генетычны алфавіт» Вітара Сазонава, піша bellit.info.
«Падары сабе цішыню» — гэта дэбютны зборнік паэзіі сталага аўтара, у якім пазнаецца стылістыка Віктара Сазонава празаіка, ягоны гумар перамяжоўваецца з адметнай народнай мудрасцю, сфармуляванай у трапныя афарызмы. Сярод іншага ў кнізе знайшлося месца неспадзяваным вершам пра каханне.
- Жывеш у мроях, ці вандруеш босым,
- ніяк не зразумееш гэты свет,
- як ты паэт — то ўжо недафілосаф,
- калі ж філосаф — то недапаэт.
Раней у выдавецкая ініцыятыва «Полацкае ляда» выпусціла ў кніжнай серыі «Брукаванка» кнігі Юрыя Гуменюка, Сяргея Патаранскага, Янкі Лайкова і Віктара Слінкі.