Тры чалавекі памерлі пасля застолля ў Лагойску. Але ад чаго, пакуль невядома
На застоллі было 9 чалавек.
Фота: Следчы камітэт
У Лагойску пасля застолля загінулі трое чалавек, яшчэ адзін у рэанімацыі.
Целы дзвюх жанчын (40 і 42 гады) і мужчыны (44 гады) знайшлі ў жылым доме. А яшчэ аднаго пацярпелага — 54‑гадовага мужа адной з загінулых — экстрана шпіталізавалі ў рэанімацыю з прыкметамі вострага атручэння.
Паводле папярэдняй інфармацыі Следчага камітэта, напярэдадні трагедыі кампанія з 9 чалавек сабралася на застолле і выпівала алкаголь. Цяпер аналізуюць склад той вадкасці са спіртам.
Следчыя адпрацоўваюць розныя версіі таго, што здарылася, у тым ліку вострае атручэнне сурагатамі алкаголю ці наркотыкамі.
Распачата крымінальная справа па ч. 2 арт. 144 (прычыненне смерці праз неасцярожнасць дзвюм і больш асобам).