Беларусы цяпер могуць праходзіць тэхагляды ноччу
Новую паслугу пад назвай «Начны дазор» прапануе прадпрыемства «Белтэхагляд».
Здымак ілюстрацыйны. Фота: Lookby.media
Начны тэхагляд будзе даступны для ўсіх катэгорый транспарту па аўторках і чацвяргах з 22:00 да 01:00.
Каб прайсці дыягностыку без чаргі, на адзін часавы інтэрвал будуць запісваць толькі адзін аўтамабіль. Да моманту прыезду машыны абсталяванне і дыягнастычная лінія будуць цалкам падрыхтаваныя.
Пры запісе ўладальніку аўтамабіля неабходна вусна паведаміць супрацоўніку сваё прозвішча, імя і імя па бацьку, нумар мабільнага тэлефона, а таксама ўнікальныя нумары транзакцый з сістэмы АРІП.
Браніраванне часу будзе лічыцца пацверджаным толькі пасля аплаты паслугі.
Кошт праходжання тэхагляду ў начны час складзе 170 рублёў.
Чытайце таксама:
Запусцілі новы бясплатны сэрвіс для продажу аўтамабіляў
Пры куплі патрыманага аўто праходзіць новы тэхагляд больш не трэба
У «Белтэхаглядзе» расказалі, на што часцей за ўсё хварэюць электракары