Nissan перакуліўся недалёка ад Слуцка. Пасажыр загінуў
57‑гадовы кіроўца не справіўся з кіраваннем і вылецеў на абочыну.
Фота тут і далей: ДАІ Мінскай вобласці
Аварыя здарылася 19 ліпеня каля 16:45 на 343 км аўтамабільнай дарогі Р-43 «Мяжа РФ — Крычаў — Бабруйск — Івацэвічы» ў Слуцкім раёне. 57‑гадовы кіроўца Nissan ехаў у бок Бабруйска, не справіўся з кіраваннем, вылецеў на ўзбочыну і перакуліўся.
У выніку 41‑гадовы пасажыр ад атрыманых траўмаў памёр на месцы. Кіроўцу завезлі ў бальніцу для абследавання.