У Мінскім раёне кіроўца Mercedes урэзаўся ў прыпаркаваныя аўтамабілі і загінуў
Раніцай 19 ліпеня ў вёсцы Чучаны Мінскага раёна здарылася жорсткае ДТЗ. Загінуў 38‑гадовы мужчына.
Паводле ДАІ, каля 06:40 на вуліцы Цэнтральнай 38‑гадовы мужчына за рулём аўтамабіля Mercedes-Benz урэзаўся ў два прыпаркаваныя аўтамабілі — Citroen і Ford Transit.
У выніку моцнага ўдару кіроўца Mercedes-Benz атрымаў траўмы, несумяшчальныя з жыццём, і памёр яшчэ да прыезду медыкаў. Іншыя абставіны трагедыі пакуль не вядомыя.