Сямёра супрацоўнікаў склада Wildberries у Тамбоўскай вобласці загінулі ў выніку атакі ўкраінскіх дронаў
Яшчэ 24 чалавекі атрымалі раненні.
Пажар у Тамбоўскай вобласці, ілюстрацыйнае фота
У ноч на 18 ліпеня ўкраінскія беспілотнікі нанеслі ўдар па лагістычным цэнтры-складзе Wildberries у горадзе Катоўску Тамбоўскай вобласці. У выніку загінулі сямёра супрацоўнікаў начной змены, паведаміў губернатар рэгіёна Яўген Первышоў.
Паводле папярэдніх звестак, яшчэ 24 чалавекі атрымалі раненні, піша Бі-бі-сі.
Адкрытае гарэнне на тэрыторыі склада Wildberries ліквідаванае, аднак тушэнне пажару працягваецца, заявіў Первышоў.
Украінскія вайскоўцы пакуль не каментавалі ўдар па Катоўску.