У Варшаве ўладальніца крамы паказала дызлайкі ўдзельнікам антыўкраінскага мітынгу. Пасля таго яе краму разграмілі
У Варшаве невядомы мужчына разграміў краму LAS RĄK handmade heaven, уладальніца якой некалькі дзён таму адкрыта выступіла супраць антыўкраінскіх лозунгаў падчас акцыі памяці ахвяр Валынскай трагедыі.
Скрыншот з відэа
Пасля таго выпадку крама стала аб'ектам масавай кампаніі фальшывых негатыўных водгукаў у інтэрнэце. Карыстальнікі пакідалі нізкія ацэнкі, не звязаныя з якасцю тавараў або абслугоўвання. Многія палічылі гэта спробай аказаць ціск на ўладальніцу праз яе грамадзянскую пазіцыю.
Пазней у памяшканне крамы ўварваўся невядомы мужчына, які паводзіў сябе агрэсіўна, пашкодзіў інтэр'ер і знішчыў частку вырабаў ручной працы. Пра здарэнне паведамілі ў паліцыю. Праваахоўнікі вывучаюць запісы з камер відэаназірання і шукаюць нападніка.
Пасля інцыдэнту быў арганізаваны збор сродкаў на аднаўленне крамы і ўзмацненне мер бяспекі.
Нягледзячы на напад, крама працягвае працу. Яе супрацоўнікі займаюцца дабрачыннасцю: штотыдзень гатуюць сотні бутэрбродаў для пажылых людзей, бяздомных і іншых, хто апынуўся ў цяжкай жыццёвай сітуацыі. Па словах уладальнікаў, толькі за мінулы тыдзень яны раздалі 256 бутэрбродаў.
Чытайце таксама:
Зяленскі не паедзе на канферэнцыю ў Польшчу
Буданаў адмовіўся ад Залатога афіцэрскага крыжа ордэна «За заслугі перад Польшчай»
Прэзідэнт Польшчы пазбавіў Зяленскага Ордэна Белага Арла — найвышэйшай дзяржаўнай узнагароды краіны