Бельгія і Егіпет выйшлі ў плэй-оф мундыяля
Вядомыя ўжо 9 з 16 пар 1/16 фіналу.
Фота: Jay Biggerstaff / Getty Images
Сёння раніцай Бельгія разграміла Новую Зеландыю з лікам 5:1, а Іран і Егіпет згулялі ўнічыю — 1:1.
Бельгія — 5, Егіпет — 5, Іран — 3, Новая Зеландыя — 0.
Бельгія выйшла ў плэй-оф з першага месца, Егіпет з другога, а Іран адпраўляецца ў ліст чакання.
Як бачым, чатыры набраныя ў групавым турніры балы даюць пуцёўку ў плэй-оф, soccerstand.com
Сёння вечарам матчаў на мундыялі не будзе.
Групавы турнір завершыцца заўтрашняй ноччу і раніцай матчамі ў трох групах:
Сёння роўна апоўначы пачнуцца матчы Англія — Гана і Харватыя — Панама.
Тут становішча ў групах наступнае:
Англія, Гана — 4, Харватыя — 3, Панама — 0.
Заўтра а 02:30 — Партугалія — Калумбія, Узбекістан — ДР Конга.
Калумбія — 6, Партугалія — 4, ДР Конга — 1, Узбекістан — 0.
А 5‑й раніцы — Аргенціна — Іарданія, Алжыр — Аўстрыя.
Аргенціна — 6, Аўстрыя, Алжыр — 3, Іарданія — 0.
І ўжо заўтра ў нядзелю стартуе плэй-оф — 1/16 фіналу.
Вось вядомыя пары 1/16 фіналу:
Канада — Паўднёвая Афрыка (нядзеля, 22:00)
Бразілія — Японія (панядзелак, 20:00)
Германія — Парагвай (панядзелак, 23:00)
Нідэрланды — Марока (аўторак, 04:00)
Кот д'Івуар — Нарвегія (аўторак, 20:00)
Францыя — Швецыя (серада, 00:00)
ЗША — Боснія-Герцагавіна (чацвер, 03:00)
Аўстралія — Егіпет (пятніца, 21:00)
Аргенціна — Каба-Вердэ (субота, 01:00).
Канчаткова ўсе пары стануць вядомыя заўтра раніцай, калі завершыцца групавы турнір.