Зборная Паўднёвай Афрыкі ўпершыню ў гісторыі выйшла ў плэй-оф чэмпіянатаў свету
Марока таксама ў плэй-оф, а Шатландыя і Паўднёвая Карэя адпраўляюцца ў ліст чакання.
Фота: fifa.com
Зборная Паўднёвай Афрыкі ўпершыню ў гісторыі выйшла ў плэй-оф чэмпіянатаў свету. ПАР перамагла зборную Паўднёвай Карэі з лікам 1:0, а Мексіка — Чэхію — 3:0.
Пасля трох тураў: Мексіка — 9, Паўднёвая Афрыка — 4, Паўднёвая Карэя — 3, Чэхія — 1.
Мексіка выйшла ў 1/16 фіналу з першага месца, ПАР з другога, а Паўднёвая Карэя адпраўляецца ў ліст чакання.
Нагадаем, што восем з 12 зборных, што зоймуць трэція месцы, трапяць у плэй-оф, які ўпершыню на чэмпіянатах свету пачнецца з 1/16 фіналу, а не 1/8 як дзесяцігоддзі раней.
У іншай групе Бразілія перамагла Шатландыю 3:0 (дубль у Вінісіуса Жуніёра), а Марока — Гаіці — 4:2.
Пасля трох тураў: Бразілія — 7, Марока — 7, Шатландыя — 3, Гаіці —0.
Бразілія ідзе ў плэй-оф з першага месца, Марока з другога (Бразілія вышэй за кошт лепшай розніцы мячоў, каманды між сабой згулялі ўнічыю), а Шатландыя адпраўляецца ў ліст чакання, але шанцаў на плэй-оф мала.
Анлайн-табліца трэціх месцаў, чатыры балы амаль гарантуюць плэй-оф, soccerstand.com
Сёння на мундыялі матчы Кюрасаа — Кот д'Івуар і Эквадор — Германія. Пачатак а 23-й.
Пасля двух тураў становішча наступнае:
Германія — 6, Кот д'Івуар — 3, Эквадор, Кюрасаа — 1.