20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне

У Мінску затрымалі 20‑гадовага жыхара сталіцы па падазрэнні ў незаконным абароце наркатычных рэчываў. Мужчыну абвінавачваюць у тым, што ён набываў праз інтэрнэт забароненыя рэчывы невялікімі партыямі для асабістага ўжывання, а частку перапрадаваў знаёмым за грошы або паслугі.

У дзень затрымання мужчына нібыта набыў мефедрон для 16‑гадовай вучаніцы 9‑га класа з Мінскага раёна. Гэта, як сцвярджаюць сілавікі, павінна была быць яе першая ў жыцці доза наркотыку.

Малады чалавек быў затрыманы, забароненае рэчыва канфіскаванае. Дзяўчыну перадалі бацькам, правёўшы з ёй прафілактычную гутарку.

Па факце здарэння завялі крымінальную справу за незаконнае абарачэнне наркатычных сродкаў.

Каментары да артыкула