Жонка эмацыйна кінула мужу, што пяцёра дзяцей не яго. Ён зрабіў тэст на бацькоўства
Сумная гісторыя з Мінскай вобласці.
Мужчына выхоўваў разам з жонкай пяцярых дзяцей, пры чарговай сварцы пачуў ад яе ў момант эмацыйнага выбуху шакавальнае прызнанне. Жанчына абмовілася, што бацькам дзяцей ён не з’яўляецца.
Для пацвярджэння або абвяржэння гэтых слоў мужчына вырашыў правесці генетычную экспертызу.
Эксперты-генетыкі Дзяржкамітэта судовых экспертыз па Мінскай вобласці выключылі бацькоўства мужчыны ў адносінах да ўсіх пяці непаўналетніх дзяцей.