МТС запускае 5G-роўмінг
Беларускі мабільны аператар МТС паведаміў пра запуск паслугі 5G-роўмінгу, якая дазваляе карыстацца інтэрнэтам пятага пакалення за мяжой.
Здымак ілюстрацыйны. Фота: magnific.com
Пакуль тэхналогія даступная ў шасці краінах: Польшчы, Турцыі, Грузіі, Германіі, Узбекістане і Арменіі.
Каб скарыстацца 5G-роўмінгам, неабходна мець прыладу з падтрымкай 5G, а таксама актываваныя паслугі «Роўмінг», «Перадача даных» і «Інтэрнэт 5G», якія ўваходзяць у базавыя тарыфы кампаніі.
Знаходзячыся за мяжой, карыстальнікі змогуць выбіраць мясцовых аператараў, якія падтрымліваюць 5G. У мабільным дадатку такія сеткі адзначаюцца спецыяльным значком.
У кампаніі адзначаюць, што будуць паступова пашыраць колькасць краін і партнёраў, каб забяспечыць доступ да хуткаснага інтэрнэту па ўсім свеце.
У Беларусі сетка 5G ад МТС развіваецца з красавіка. Цяпер у аператара больш за 1,1 тысячы базавых станцый у буйных гарадах, а развіццё вядзецца сумесна з кампаніяй beCloud.
Чытайце таксама:
«Выглядае як жарт». У беларускі спісалі 3740 BYN за 6 хвілін у роўмінгу
Апублікавалі новы рэйтынг найбольш папулярных гісторыка-архітэктурных помнікаў Беларусі