Сацработнікаў у вёсцы забяспечаць роварамі
Сацыяльныя работнікі ў Беларусі будуць перасоўвацца на роварах і электрароварах. Мінпрацы прыняло рашэнне забяспечыць іх сродкамі персанальнай мабільнасці.
Роварамі будуць забяспечваць у населеных пунктах, дзе няма рэгулярнага транспартнага злучэння, а таксама калі графік грамадскага транспарту не супадае з графікам абслугоўвання грамадзян.
Кожны работнік, які аказвае паслугі сацыяльнага абслугоўвання дома, пры працягласці маршруту да 5 км у дзень атрымае ровар. А калі адлегласць большая — электраровар або ровар на выбар.
Акрамя таго, спецыялісты, якія займаюцца выяўленнем грамадзян, што маюць патрэбу ў сацыяльнай падтрымцы, і ацэнкай іх патрэбы ў сацыяльных паслугах, атрымаюць электравеласіпеды. Праўда, з разліку адна адзінка тэхнікі на пяць чалавек.