Матацыкліст-падлетак сутыкнуўся ў Мінску з машынай
Непаўналетні матацыкліст не меў правоў на кіраванне тэхнікай, паведамілі ва УДАІ ГУУС Мінгарвыканкама.
Уначы 22 чэрвеня 17‑гадовы кіроўца матацыкла Alpha на скрыжаванні вуліц Альшэўскага і Пятра Глебкі, паводле папярэдняй інфармацыі, павярнуў налева на забараняльны сігнал святлафора.
У выніку гэтага ён сутыкнуўся з сустрэчным аўтамабілем Chevrolet. У ходзе правядзення разбіральніцтва вызначана, што непаўналетні не меў права кіравання транспартным сродкам.
Матацыкліст быў дастаўлены ў медыцынскую ўстанову для абследавання.