Мінскія будаўнікі змайстравалі хатку для вожыкаў, якія пасяліліся побач з месцам работ
У адным са сталічных двароў праводзілася замена труб. Але нечакана на месцы будоўлі з'явіліся нечаканыя жыхары, пра якіх расказала мясцовая жыхарка Ксенія ў Threads, піша Blizko.by.
Падчас работ пад вагончыкам будаўнікоў пасялілася калонія вожыкаў. Работнікі адрэагавалі на новых суседзяў станоўча: падкормлівалі і стараліся не парушаць спакой жывёл. А пасля заканчэння работ яны нават змайстравалі ім невялікую хатку з дошак, каб мінакі выпадкова не нашкодзілі жывёлам.
Задумка вельмі спадабалася карыстальнікам сацсеткі:
«Якая мілата! Малайцы будаўнікі!»
«Людзі з вялікім і добрым сэрцам».
«Прыемна бачыць такое трапяткое стаўленне да жывёл».
«Вельмі міла. Адразу бачна, прыстойныя і добрыя людзі».
«Дзякуй за чалавечнасць».
Чытайце таксама:
У Германіі хочуць забараніць начное кашэнне газонаў, бо гэта шкодзіць вожыкам
У Мінску прачнуліся вожыкі ФОТА
Куніца, якая гойсала па Мінску, загінула
У гамельчука жыў кракадзіл, а цяпер ён мае расліну, якой больш няма ў дзікай прыродзе