Расіянка не змагла расплаціцца расійскай картай у мінскай кавярні. У выніку за яе заплацілі мінчукі
«Прывыкайце, гэта Беларусь».
Фота: dash.trip / Threads
Расіянка Дар'я расказала ў Threads пра выпадак, які здарыўся з ёй ў беларускай кавярні.
«Зайшлі ў кавярню ў Мінску, замовілі, а аплаціць не можам. Карта «Мір» не праходзіць, толькі наяўныя або праз мясцовую сістэму. Ужо пачалі сыходзіць.
І тут дзяўчына за суседнім столікам прапануе аплаціць за нас. Барыста падхоплівае: «Давайце вы 7 рублёў, і я 7 рублёў».
Стаім у шоку. Дзяўчына такая: «Прывыкайце, гэта Беларусь»», — апісала гісторыю Дар'я.
Яна дадала, што барыста папрасіла ў сацсетках распавесці пра гэты выпадак — гэта было ў кавярні «Кіфа» пры Петра-Паўлаўскім саборы.
Пасля дзяўчына ўдакладніла, што яны знялі гатоўку і занеслі за сваю каву. А карта «Мір», якая прымаецца ў Беларусі, там не працавала, бо кафэ прымала аплату праз АРІП або наяўнымі.