Украінскія байцы паказалі сваіх баявых хвастата-пухнатых сяброў
Коцікі ва ўкраінскай арміі акружаныя любоўю і павагай.
У 43‑й асобнай артылерыйскай брыгадзе імя гетмана Тараса Трясілы, як і ва ўсіх Узброеных сілах Украіны, «хвастатыя» не абдзеленыя любоўю і ўвагай.
Яны таксама перамяшчаюцца з пазіцыі на пазіцыю і на аднаўленне ў месца пастаяннай дыслакацыі. То-бок вядуць паўнавартаснае жыццё баявога артылерыста.
Ва Украіне нават ёсць жарт. Калі прызавуць у армію, ката з сабой не браць — выдадуць там.