Трамп заклікаў завяршыць вайну ва Украіне
Ён заявіў, што Еўропа мае вялікія выдаткі.
Фота: Alex Brandon-Pool/Getty Images
Дональд Трамп заклікаў завяршыць вайну па Украіне.
«Вельмі шмат было перададзена Украіне. Адміністрацыя Байдэна накіравала Украіне велізарныя аб’ёмы дапамогі. І за гэта павінны былі плаціць еўрапейцы — менавіта Еўропа павінна была ўзяць на сябе гэтыя выдаткі. Але тады нават не разглядалі такі варыянт. Яны не плацілі, таму што ніхто іх пра гэта не прасіў», — сказаў ён.
«Трэба было ўсяго толькі сказаць: «Выкарыстоўвайце нашу ваенную тэхніку, але аплачвайце яе». Проста аплачвайце. Але ніхто гэтага не патрабаваў. Калі я пытаўся: «Чаму вы не плацілі?», мне адказвалі: «Нас пра гэта ніхто ніколі не прасіў».
На выходных я сустракаўся з еўрапейскімі лідарамі і сказаў ім: «Падумайце толькі, мы перадалі дапамогі на 350 мільярдаў даляраў — самалёты, зброю ўсіх відаў і шмат іншага».
Я спытаў: «Чаму вы не ўдзельнічалі ў гэтым?» І мне адказалі: «Таму што нас пра гэта ніхто ніколі не прасіў».
Цяпер сітуацыя змянілася: Еўропа плаціць. І мы спрабуем дамагчыся заканчэння гэтай вайны паміж Украінай і Расіяй. Мне хацелася б, каб яна скончылася. Занадта шмат людзей пакутуе.